Tur cliente di DSL of Cablenet ta ricibi e posibilidad pa upgrade nan speed online, cual ta juda SETAR facilita su clientenan den futuro cu mas servicionan online.  Alaves pa nos cuminsa enfoca  tur nos clientenan pa usa nos servicionan online cual ta safe, spaar e cliente tempo, ta disponibel 24/7 y por ultimo nos por conseha bo persona si bo lo alcansa e speed minimo rekeri.

Pa DSL speed upgrade log in na            : e-Cuenta

Pa Cablenet speed upgrade log in na    : Cable Anytime

Nota: Por favor lesa e instrucionan prome cu bai upgrade

•  Percura pa bo DSL Account Number ta registra den bo e-Cuenta account. Si esaki no ta e caso, bo lo haya un mensahe “message error: No DSL Account found”

• Con mi ta inclui mi DSL Account riba e-Cuenta? Den e-Cuenta bai na My profile, despues Billing Accounts. Den Billing Accounts bai abou y click Add pa bo hinca bo DSL Account Number cual bo ta haya riba bo recibo (bo recibo no mag di ta mas cu 3 luna bieuw)

E procedura pa upgrade bo Internet speed di DSL pa e speed minimo rekeri ta depende di:

• Distancia di cas pa e central
• E installacion di cas paden
• E installacion di cas pafor

Tur hende ta haya upgrade di speed di DSL?

• Si, tur cliente cu yega e minimal speed rekeri y nan modem ta support e speed di DSL2+. Upgrade lo tuma lugar den 3 dia di trabou.
• Tur cliente cu no ta bai yega e speed minimaal rekeri y cu ta switch pa Cablenet, ta wordo yama pa traha un afspraak pa instala Cablenet.
  E ADSL-modem ta wordo cambia pa un Cable-modem. 
• Tur cliente cu no ta bai yega e speed minimal rekeri y no kier switch pa Cablenet y cu no kier upgrade, lo keda cu DSL.
• Tur cliente cu ta yega e speed rekeri y nan modem no ta support e speed di DSL2+, ta wordo yama pa cambia nan modem di SETAR pa un modem DSL2+ nobo. Esaki lo ta gratis

 DSL

• Click     e-Cuenta

Cliente existente: hinca bo username y password, click login

Cliente nobo: click riba enroll y sigui instruccion. (corda cu bo mester di un recibo cu no ta mas bieuw cu 3 luna)

• Click riba Apply Now!

• Yena e formulario cu bo informacion. Tur caminda cu tin un por click pa ricibi informacion

Contact e-mail address: aki por yena e-mail address cu ta wordo usa diariamente, click ariba add pa crea 3 e-mail address mas di SETAR si bo ta desea

Modem model: Scohe e tipo di  modem cu bo tin na cas/negoshi pa haya sa si e ta support DSL2+ y sigui instruccion

Double Upload speed: Add mas upload speed door di aplica pa e Add-on Uploader. Bo upload speed ta bira double. Pa luna bo lo paga Afl.19,- extra riba bo cuenta actual.

• Si bo tin mas cu 1 username mester yena pa cada username e formulario online

• Yena tur informacion y click submit pa sera contract pa 2 aña di DSL y pa finalisa e speed upgrade

Nota: Clientenan cu tin e-Cuenta pero no sa nan password, por yama SETAR customer care na 5834000 y aki nan lo wordo puntra un paar di pregunta pa verifica nan account y nan username. Preguntanan por ta lo siguiente: Secret question, ID number, Customer Name y Customer Number.

DSL Speed Upgrade: splicacion di e stapnan pa por upgrade

Cablenet

• Click   Cable Anytime

Cliente existente: hinca bo number di celular of telefon di cas y bo PIN (mester ta number so no letters)

Cliente nobo: click riba  activate your account  y sigui instruccion

• Click riba Update Account Information bai na Add a new phone number or e-mail address y hinca bo number telefon di cas.              (si esakita aplicabel)
• Click riba Upgrade Services (corra) na banda links abou di Your Account

• Na man drechi bo ta wak Available Upgrades (e paketenan di internet pa upgrade). Bo tin 2 opcion:

1) Upgrade e pakete cu bo tin. Wak bo pakete di Internet cu bo tin na Current Plan y scohe e mesun pakete na Available Upgrades. (akinan e unico cu ta cambia ta bo speed di upload y download, cual ta subi. Locual bo ta paga pa luna ta keda mescos)

2) Add mas upload speed door di aplica pa e Add-on Uploader. Bo upload speed ta bira double. Pa luna bo lo paga Afl.19,- extra riba bo cuenta actual.

• Pa scohe un pakete djis click riba Add tras di e pakete cu bo kier (1 pakete so por wordo scohi!)

• Click Apply Changes si bo ta di acuerdo cu bo ta bai sera un contract pa 2 aña di Cablenet.

Mester tene na cuenta cu despues di click Apply Changes e modem lo restart.

Nota: Clientenan di Cable Anytime cu no sa nan PIN, por yama SETAR customer support na 5251700 y nan lo reset e PIN.

Cablenet Speed Upgrade: splicacion di e stapnan pa por upgrade