“Talk & Text More” cu SETAR

SETAR a lansa su campaña Talk & Text More.

 SETAR, Aruba su compania #1 den di telecomunicacion, ta mustra un biaha mas cu e tin e interes di su clientenan na curason. “Den e temporada di carnaval nos clientenan tin hopi potret, video y storia pa comparti cu nan amigo of famianan. Cu e promocion aki nos kier haci esaki posibel pa tur nos clientenan, tanto Prepaid y Postpaid dunando nan mas pa nan placa.”, asina Juliska Henriquez, ehecutivo di mercadeo di SETAR a comenta.

Segun Juliska, ademas di esaki  e campaña nobo di Talk & Text More ta duna tur cliente di SETAR mas minuut pa haci yamada local y internacional y mas SMS y MMS.

Cu e promocion ‘350 SMS y MMS GRATIS’ SETAR ta regala tur cliente Prepaid y Postpaid, un total di 350 SMS y 350 MMS GRATIS pa siman. Si manda 5 SMS of MMS di SETAR pa SETAR riba un dia e cliente ta ricibi e resto di SMS of MMS GRATIS riba e mesun dia te na un maximo di 50 SMS of MMS. Cu e promocion ‘YAMA 5 MIN INTERNACIONAL Y RICIBI 5 MIN GRATIS’ e cliente por haci un yamada di 5 minuut internacional y ta ricibi 5 minuut GRATIS riba e mesun yamada. Esaki ta valido pa usuarionan di Prepaid y Postpaid pa e siguiente destinacion: Bonaire, Corsow, Colombia, Merca, Peru, Republica Dominicana y Venezuela yamando for di un telefon fiho of celular di SETAR.

E campaña di Talk & Text More ta inclui dos campaña existente tambe, cual ta FREE AFTER 3 y DOBEL BO CREDITO ONLINE.

Cu ‘FREE AFTER 3’ e cliente por haci un yamada local di 3 minuut largo y ta ricibi e siguiente 30 minuut riba e mesun yamada GRATIS. Esaki ta valido pa tur yamada Prepaid di SETAR pa SETAR.

Cu ‘DOBEL BO CREDITO ONLINE’ e cliente por recarga su cuenta di Prepaid online via e website of pagina di Facebook di SETAR y SETAR lo dobel e credito. Esaki ta valido cu recarga cu credit card na balor di 25 florin of mas.

Cu e promocion aki SETAR kier gradici su clientenan di Prepaid y Postpaid pa nan confiansa y lealtad durante tur e añanan aki.