Fin di luna Edificio di SETAR Cable Services lo ta sera pa motibo di trabounan di renobacion.

Entrante 31 januari 2012 e edificio di SETAR Cable Services

 na Caya Betico Croes  lo ta sera pa motibo di trabounan di renobacion.

Pa facilita pago di cuenta di servicionan di SETAR Cable Services, Tur cliente lo ricibi via post, un carchi di identificacion como cliente di Cable Services. Riba e carchi lo tin e nomber y number di cuenta cu e cliente tin di servicio di cable. E informacion aki ta facilita informacion na  momento di haci pago di e cuenta di servicio di Cable. Clientenan di SETAR Cable Services lo por paga na tur hulpbestuurskantoor, na cualkier banco y na cualkier Teleshop di SETAR.

 

Awor por paga cuenta di Telefoon na  hulpbestuurskantoornan tambe:

Hulpbestuurskantoornan ta tuma pago di tur servicio di SETAR incluyendo servicio di cable. Pa haci e pago di cobransa di cable cliente mester presenta cu e carchi di identificación. Pa paga e otro servicionan di SETAR cliente mester presenta cu e cobransa.

 

Pagonan na banco:

Tur banco comercial na Aruba ta acepta pago pa tur servicio di SETAR. Via banco cliente por haci pago facil haciendo uso di e servicio di “online banking” cu banco ta ofrece. Otro forma facil pa cliente paga via banco ta pa aplica pa pago automatico tur luna (Direct Debit) of transferencia mensual. Pa esaki, cliente mester pasa personalmente na su banco preferi pa haci e transferencia. Por paga via cualkier cahera(o) na banco tambe.

Ta importante pa semper indica e number di cuenta y tambe e nomber di e cliente pa e bai bon.

 

Na SETAR Teleshop:

Na cualkier Teleshop di SETAR por paga cuentanan di Setar Cable Services.  Teleshopnan ta habri di dialuna pa diasabra pa e cliente por haci nan pago.

Ademas di pasa paga na e lugarnan aki, e cliente semper por paga via nan banco preferi online.

 

Informacion di cobransa online

SETAR ta ofrece clientenan dos sistema di cuenta online via cual facilmente por wak su cobransa cada luna. Pa servicionan di Cable esaki ta “Cable Anytime” y pa tur otro servicio di SETAR por haci uso di “e-Cuenta”. Cu e servicionan online aki cliente por haya su cobransa asina cu esaki keda procesa y no mester warda mas riba post pa por haya esaki.

Pa registra pa e servicio di cuenta online por sigui e siguiente pasonan:

Pa Cable Anytime: 1.        Bishita e pagina www.setar.aw 2.        Click riba cable anytime (skina drechi ariba) 3.        Click riba “activate your account” 4.        Yena e informacion personal 5.        Traha un pin 6.        Yena bo e-mail adress 7.        Click riba “ activate your account”

Pa e-Cuenta: 1.        Bishita e pagina www.setar.aw 2.        Click riba “e-Cuenta” (skina drechi ariba) 3.        Click riba “enroll” 4.        Yena e informacion personal 5.        Yena e pregunta secreto 6.        Traha un username y password 7.        Yena e informacion di bo account