VOD

Kiko ta VOD?

Video on Demand (VOD) ta un sistema di SETAR Cable Services cu ta brinda bo e posibilidad pa ordo pelicula of otro programanan via bo television via e set-top box. E opcion di VOD ta ofrece bo un catalogo extenso di diferente tipo di pelicula, documentario, concierto, programa di mucha y programa cu contenido pa adulto. VOD ta duna bo e servicio di por wak e programanan cualkier ora cu ta cumbini bo y cuanto bes cu bo ta desea den un periodo specifico di 24 ora.

Con pa haya acceso na VOD
Pa haya acceso na programacion di VOD bo mester haci e siguiente pasonan:

• Primi e boton di Menu pa yega na e seccion di Quick Menu
• Selecta e logo di On Demand y primi OK
• Despues di un rato cortico e menu di VOD lo aparece

Con pa ordo programanan di VOD?

• E menu di On Demand ta contene un variedad di categoria di programacion. Haci uso di e botonnan cu flecha riba bo remote control pa selecta un categoria y primi OK/Select pa yega na e lista di e categoria

-Movie	-Kids
-Music	-Featured
-Entertainment	-Sport
-Spanish	-Adult

• Usa e flechanan cu ta bay ariba y abou y esun nan cu ta bay drechi y robes pa pasa door di e lista. Pa cumpra un programa, selecta e categoria cu bo ta desea di mira y click OK/Select.
• Selecta e simbolo di dollar ($) y sigui e instruccionnan pa completa e order. E prijsnan ta na florin. Si e programa ta gratis, na lugar di e simbolo di dollar ($) un simbolo di wowo lo aparece. E programa selecciona lo cuminsa pasa inmediatamente y bo por wak e cuanto biaha cu bo ta desea den 24 ora.

Con pa por blokea acceso riba VOD?
Por blokea acceso riba VOD pa evita asina mal uso di e VOD of tambe pa por controla e gastonan di VOD.

Pa blokea acceso riba VOD bo mester tuma e siguiente pasonan:

• Primi 2 biaha riba e boton di menu pa drenta den e Main Menu
• Selecta Parental Controls den e lista
• Selecta Service Locks y despues VOD
• Si bo no tin number di pin, un pantaya lo habri pa hinca esaki

Pa blokea peliculanan Rated R cu contenido destina pa adulto mester tuma e siguiente pasonan:

• Primi 2 biaha riba e boton di menu pa drenta den e Main Menu
• Selecta Parental Controls den e lista
• Hinca e pin code di 4 cifra
• Menu di Locks Setup lo aparece
• Selecta e Movie Rating locks y/of Adult Title

Tips
Pa por haya informacion mas detaya riba e screen encuanto e pelicula, incluyendo un synopsis y un lista di actornan, selecta e titulo.
Algun di e programanan riba VOD ta ofrece un PREVIEW promer cu dicidi pa cumpre.
Pa bay bek na e screen anterior primi e boton LAST.
Na e On Demand Status Bar ta mustra ora un usuario ta primi Play, Pause, Rewind, Fast Forward of Stop. Fast Forward y Rewind ta bay cu un solo speed, y e Status Bar ta mustra unda bo ta den e pelicula cu ta hungando.

Programanan On Demand cu tin dianan specifico cu ta caduca ta aparece cu e fecha riba e lista. Por ehempel: titulo-disponibel: 5/17/2011.
Selecta My Rentals di On Demand Menu pa por stop un programa y wak e mas laat. E pelicula lo cuminsa bek na unda bo a lage.

Pa mas informacion di VOD yama SETAR Cable Services na 5251700 of pasa na cualquier SETAR Teleshop.