E encuesta di SETAR tin unicamente preguntanan tocante e servicio di SETAR.
Entrante 1 di december 2016 SETAR lo continua cu e siguiente fase di su encuesta online entre su clientenan. Den e prome fase, na luna di augustus, clientenan postpaid cu tabatin un e-mail adres registra na SETAR, a ricibi un e-mail den cual por bai na un link pa asina yena e encuesta.
Awor den e siguiente fase, SETAR ta bai añadi e business partnernan cu tin un e-mail adres registra na SETAR na e encuesta. Pues e clientenan aki tambe tin e posibilidad di ricibi un e-mail cu un link cu ta bai na e encuesta.
Clientenan prepaid actualmente tambe ta den e encuesta y por ricibi un SMS den cual ta pidi pa bai na un link pa asina yena e encuesta di SETAR.
E motibo cu SETAR ta haci un encuesta general online entre su clientenan, ta pa haya sa kico ta e opinion y deseonan di e clientenan pa por sigui brinda nan e mihor servicio y productonan posibel.
SETAR como un compania netamente Arubano, kier compronde e factornan cu ta fortalece e relacion cu su clientenan. Otro meta cu SETAR kier logra ta haya sa loke clientenan ta spera di e compania y tambe si nan ta recomenda SETAR.
E encuesta di SETAR lo no inclui preguntanan personal, sino unicamente preguntanan tocante e servicio di SETAR.
Pa SETAR ta importante pa haya “feedback” di e clientenan, p’esey ta pidi y encurasha tur cliente cu ricibi e encuesta pa yena esaki y participa den mehoracion di e servicio.
