SETAR ta contento di anuncia cu tur cliente di Cable Digital ta haya acceso na disfruta di e servicio di ESPN Play riba nan celular of tablet sin costo adicional. ESPN Play ta laga bo disfruta di programacionan en bibo of “on demand”. Bo por haci uzo di e app aki unda cu bo ta na Aruba, tanten cu bo tin un conexion di Internet, sea ta LTE of Wi-Fi.
Pa haya acceso na ESPN Play, mester activa e servicio di TV Eveywhere (TVE) riba MiSETAR. Esey kiermen, cliente mester tin un account di cable riba MiSETAR.
Sigui e siguiente pasonan:
- Drenta bo account di MiSETAR
- Selecta bo account di Cable TV
- Click riba TV Everywhere Settings
- Click riba “Activa mi TVE”
- Una bez bo a activ’e, scoge e TV Ratings adecua pa bo y bo famia
(Click riba e boton di info pa haya sa mas di e TV Ratings)
Una bez cu TVE ta activa den MiSETAR, download e app di ESPN Play den App Store of Play Store, scoge SETAR y sign in cu bo username y password di MiSETAR.
Mester tene cuenta si cu streaming ta usa hopi data. Si mester di mas informacion y/of ayudo, por tuma contacto cu SETAR na 525-1700 of whatsapp na 597-9999.
