Den su campaña di fin di aña SETAR kier a realisa algun soño di su clientenan. Tur cliente cu a haci uzo di un of mas promocion di e campaña a ricibi un “Wish Tag”. Riba e “Wish Tag” aki e cliente a scirbi su deseo y a colg’e den un di e “Wish Tree”nan cu tabata situa den cada Teleshop y na SETAR Store.
SETAR na final a saca 6 ganador y a cumpli cu e deseo riba nan Wish Tag (te na un valor di maximo di 2500 florin). Dialuna anochi durante e programa “Den Dje” cu Ivo Yanez, representantenan di e departamento di Mercadeo a haci entrega di e prome premio na Nathan Winklaar cu a gana su laptop.
Otro clientenan ganador di e campaña di fin di aña ta:
Rosemin Croes cu a gana un pago di su contract di Postpaid U (te cu e suma di 2500)
Viviana Alberto cu a gana e suma di 2500 cash
L.Henriquez cu a gana 2 pasashi pa Orlando.
Pierina Hernandez a gana un iPhone 8
Noraida de Kort a gana un pago di su cobranza di SETAR (te na un máximo di 2500 florin)
Riba e potret por mira Nathan Winklaar hopi contento cu su premio.
Un pabien ta bai pa tur 6 ganadornan y un danki pa tur cliente di SETAR cu a yuda haci e campaña un exito!
