ALERTA pa mensahe di SMS falso cu ta dirigi na e nomber di usuario y ta pidi pa yama urgente bek.
Si bo a ricibi un SMS cu tin bo nomber y “bel me +44 7006119821 dringende” no yam’e bek y delete e mesora. No forward e tampoco pa ningún hende.
Tin varios usuario di celular e dianan aki cu ta ricibi e mensahe falso aki cu no ta bin di un país of paisnan den exterior. Cualkier number cu ta cuminsa cu 4470 ta un scam sigur!
Si bo ricibi cualkier mensahe di un number cu bo no ta reconoce, no yam’e bek ni forward e pa ningún otro hende. E por costa bo placa.
E country code, (+44) ta indica numbernan cu ta normal di UK (United Kingdom). E 70 cu ta sigui, ta indica un number personal pa forward. Scammers ta gusta usa e sistema aki di tin un number portable cu tin un number cu ta parse di ta basa na London, pero no ta.
Hopi biaha e number ta pretende di ta di un oficina di abogado, travel agent, loteria of oficina na London. E scam aki por bin den forma di e-mail tambe, pues tene hopi atención na mensahenan cu ta pidi pa yama bek un number no conoci.
Scammers ta gusta usa e numbernan aki paso nan ta pretende di ta comunica via London siendo por ehemple nan ta na Nigeria. Nan ta pidi pa stort placa of si bo yama bek of bai riba e site e por costa bo riba gastonan grandi riba bo cobransa.
Por ultimo ta subraya na e publico en general pa no habri ningún link, site of number desconoci ni riba celular, computer of otro device. Tampoco instala appnan cu bo no sa nan origen y check si nan ta berdaderamente e appnan cu bo kier a download.
Ehempel:
