Diabierna ultimo Ministerio di Husticia a inaugura e Operation Command Center cu ta ensera e proyecto di “Video Surveillance System” ehecuta dor di SETAR. E Operation Command Center monitoria 24/7 dor di Cuerpo Policial di Aruba, lo percura pa seguridad den areanan strategico rond di nos isla. Pa haci esaki posibel SETAR a installa un cantidad grandi di screens cu lo vigila areanan rond di Aruba via varios camera. Conhunto cu e proyecto aki SETAR ta instalando 47 camera mas na diferente punto den Oranjestad.
SETAR, como representante di e sistema di camaranan di Avigilon, tin un experiencia amplio den implementa e sistema di Avigilon, na otro empresanan y instancianan vital di Aruba.
E “Video Surveillance System” di Avigilon ta un sistema moderno cu lo ultimo den software cu solucionnan manera Artificial Intelligence (AI) y Video Analytics, Sensors, Video Infrastructure y Video Management System.
E Operation Command Center, ta ekipa cu lo ultimo den tecnologia di vigilancia, pa brinda Cuerpo Policial Aruba visibilidad maximo pa monitor y analisa imagennan di diferente camaranan di seguridad den real-time. Esaki ta pa garantisa e bienestar y seguridad di e comunidad di Aruba y nos bishitantenan.
Como e compania nacional di telecomunicacion, SETAR ta orguyoso di implementa e proyecto di Operation Command Center. Un proyecto importante pa Cuerpo Policial Aruba, unda lo brinda e comunidad di Aruba seguridad 24/7.
