Clientenan di SETAR cu tin DSL na cas ainda y kier switch nan servicio di DSL pa uno di Cablenet tin te diasabra awor pa haci esaki sin gastonan di instalacion. Despues di 1 di october e oferta special di SETAR no ta valido mas.
Asina e proyecto di cambia conexion di DSL pa Cablenet na tur cas na Aruba ta yegando su fin. Mayoria cliente di SETAR a haci e cambio caba y ta gosando di e speednan di mas halto y otro beneficionan cu Cablenet ta trece cune.
Den e proyecto aki, SETAR a ofrece pa cambia e conexion actual di DSL pa Cablenet sin cobra e gasto di instalacion di Afl.175,- pa clientenan cu a dicidi di haci e cambio prome cu dia 1 di oktober 2016. Esaki basa riba un contract di 2 aña.
Loke ta importante pa tene na cuenta cu ne si ta cu pa por cambia e servicio di DSL pa Cablenet ta necesario pa e cliente tin e servicio di Cable TV como cu parti di e infrastructura ey ta uza pa por ofrece Cablenet.
Clientenan di SETAR no tin mester di cumpra e modem mas den caso di Cablenet. SETAR lo duna e cliente un modem nobo den “bruikleen” pa duracion cu e servicio di Internet di e cliente ta activo. E modem lo keda propiedad di SETAR. SETAR ta cobra un biaha un deposito di Afl. 25,- pa e Cable modem. Ora cu haci e cambio pa Cablenet lo cobra esaki via e siguiente cobranza pa asina por haya un speed mas halto di Internet na cas sin hopi complicacion.
E ultimo dia cu clientenan por haci uzo di e oferta aki lo ta dia 1 di oktober 2016. Despues di e fecha aki lo no ta posibel mas pa haci uzo di e oferta y e gastonan di instalación lo keda e ora pa e cliente mes.
Clientenan cu ainda no a registra of pidi pa cablenet por pasa na cualkier Teleshop di SETAR of por yama 525-1702 di dialuna pa diasabra entre 9.00 am pa 7.00 pm.
