Entrante 1 di december 2016, SETAR lo habri un liña special riba cual clientenan por manda mensahe via WhatsApp pa nan haya asistencia.

Algun cos cu SETAR lo asisti cliente via di WhatsApp riba e number 597 9999 ta:

• Informacion encuanto di pakete cu SETAR ta ofrece (tur servicio)
• Billing (pagonan haci, cuenta habri, bill disputes)
• Account (informacion over di servicio/pakete cu cliente tin, status di account)
• Settings (APN, troubleshooting)
Si cliente tin algo (compliment, keho, preocupacion) cu cliente kier informa SETAR di dje, cliente por haci esaki via e number aki via WhatsApp. Si tin algo cu telefonicamente no por asisti cliente cu ne, e ora lo no por asistie via WhatsApp tampoco; un ehempel di esaki ta PUK code, pa haya PUK code cliente mester bay riba MiSETAR of pasa na Teleshop.

SETAR su Contact Center ta e centro via cual clientenan por yama ora nan tin un storing, ora nan tin un pregunta of mester di mas informacion. Cu e introduction di Whatsapp Support SETAR su contact center ta eleva su nivel di servicio.

Mientras cu SETAR ta promoviendo su clientenan pa haci uso di servicionan “online self-service” sinembargo por pasa cu cliente ta usa opcion online of self-service toch ta sinti e necesidad pa yama SETAR pa resolve e problema. Awor en adelante e por WhatsApp Contact Center via e number 597 9999 y haya su contesta na un manera conveniente. E orario cu lo contesta cliente ta di 7or di mainta pa 11or di anochi.