Dianan 7 te cu 9 di September ta tuma luga e Fitness Festival di Fitville 2018. E evento aki lo ta un evento di 3 dia consistiendo di diferente actividadnan deportivo manera Fitville CrossFit Competition, Funstacle Masters Obstacle Course y diferente actividadnan organisa pa henter famia door di IBISA. SETAR tin un team cu ta bai representa SETAR den FITVILLE consistiendo di coleganan Tarek Nava y Jonatan Tromp den Crossfit.
Ademas di power e event cu wifi, SETAR ta pone 2 charging stations pa esnan cu tin di recarga nan device. SETAR ta sostene tipo di actividadnan asina, cu ta motiva pa salud y actividad físico combina cu competencia.
Roxana Ras hefe di Departamento di Mercadeo di SETAR y Suzy Maduro, Corporate Communications di SETAR a haci entrega di e uniform cu e team lo bai luci durante e competencianan. Tarek Nava a ricibi e uniform den nomber di e team di dos y ta cla pa e evento.
