SETAR ta informa cu ayera alrededor di 7or di anochi, e servicio di yamada y parcialmente di data a afecta tur su clientenan di servicio di celular. Tambe clientenan di data cu excepcion di Cablenet a wordo afecta.
Mesora cu a detecta e problema, tecnico di SETAR a tuma accion. Despues di establece e causa di e storing a bai over pa lanta e sistema nan bek. Pa 1:38 am e red di celular y otro servicionan afecta a keda re-establece completamente bek.
Si acaso un cliente su celular ainda no ta trahando, e por paga y sende e celular di nobo y e lo funciona.
