Diahuebs dia 16 di maart, representantenan di SETAR y di Comision Celebracion Dianan Nacional a sali pa entrega diferente scolnan ganador y muchanan ganador di e competencia di Pintura escolar en conexion cu Celebracion di Himno y Bandera 2017. Manera semper e tema “ Nos Himno y Bandera” a atrae hopi pinturanan di muchanan for di diferente scolnan rond di Aruba.
E scolnan cu a ricibi bishita ta :
Commandeur Pieter de Boer School cu a gana den categoria 2 Afl. 750 cash.
Pintura ganador di Alumna Paula Alejandra Lopez Rojas di Klas 5B di 11 aña.
Scol Santa Famia cu a gana di 3 luga den categoria 1 Afl. 750 cash.
Mucha cu a gana ta Ashmealyy Reyes Perez den Klas 1A di 6 aña di edad.
Maria School cu a gana di 2 luga den categoria 1 Afl. 1.000 cash.
Studiante ganador Anderson Bandera di klas 3A di 9 aña.
Scol Duna un Man cu a gana di 2 luga den categoria 2 Afl. 1.000 cash
y e mucha ganador ta Jocelyn Martinez den klas 6 di 14 aña.
Faith Revival School cu a gana Prome lugar den categoria 2 a ricibi Afl. 1.500 cash
y e alumna ganador ta Naomi Beatris Moreta den Klas 4B di 11 aña.
Mon Plasir School cu a gana Prome lugar den categoria 1 Afl. 1.500 cash
y alumno ganador ta Drishti Wadhwani den Klas 3A di 8 aña.
SETAR a regala tur e scolnan ganador un premio cash den tur categorianan den prome, di dos y tercer lugar. E muchanan ganador a ricibi un Giftbon pa un Bookstore na balornan respectivamente di nan premio di 300, 200 y di 100 florin. Un pabien ta bai na tur e scolnan cu a gana y esnan cu a participa y na tur e muchanan creativo di Aruba.
Un danki ta bai na nos compania nacional SETAR cu ta sponsor tur aña e competencia di pintamento riba Dia di Himno y Bandera di Aruba. Un danki special ta bai pa e 3 miembro di hurado cu ta Sr. Kien Lie kwie, Sr. Edmund Tujeehut, y Sra. Fatme Rigaud.
Riba e potret por mira momentonan di e entrega di premio na e diferente scolnan ganador.
