Durante e weekend cu a pasa a tuma luga e di 4 edicion di Playa Film Festival organisa pa Fundacion CineAruba. SETAR como un partner di Fundacion CineAruba ta contento di por aporta na un festival unda cu cineastanan y amantenan di cine por bini hunto pa celebra e arte di cine. E festival ta ofrece un experiencia cultural unico cu presentacion di diferente short films local y internacional.
Riba potret por mira nos colega Urvin Robert di Mercadeo presente na e Award Ceremony di Playa Film Festival pa haci entrega di premio na e cineastanan ganador. SETAR, como nos compania nacional di telecomunicacion, ta felicita Fundacion CineAruba pa un tremendo festival.
