SETAR, nos compania nacional di telecomunicacion, ta contento di por a partner cu Fundacion Movimento ta Bida pa trece e bunita proyecto di Hunto Grandi, Grandi Hunto pa nos poblacion 60+ na Aruba.
Un proyecto cu a inicia aña pasa oktober na SETAR y cu a haya un tremendo acogida durante e ultimo lunanan y cu a demostra e interes di nos poblacion 60+ pa haya mas conocemento di tecnologia digital.
Diamars ultimo a tuma luga un dia yena cu informacion na Cas di Cultura hunto cu varios compania y instancia. SETAR tambe tabata presente pa comparti informacion di con pa paga e recibo di SETAR online como tambe via nos Self-Service Kiosk. Tambe a comparti informacion di e facilidadnan cu MiSetar ta ofrece y e paketenan di SETAR pa 60+, esta SETAR Complete 60+ y Postpaid U 60+.
Por ultimo, a comparti informacion di e aplicacion innovativo Pay.aw, unda cu a presenta varios di e facilidadnan cu e app ta ofrece, manera pago instantaneo y compra y benta di producto sin tin nodo di tin cash.
SETAR desde inicio di e proyecto a wak e necesidad y importancia pa comparti conocemento digital cu e poblacion 60+ riba nos isla. Algo cu sigur a wordo subraya durante e ultimo aña aki cu pandemia di COVID-19.
