SETAR cumpliendo cu su compromiso pa haci e bida di su clientenan mas facil, ta introduci otro manera pa haci pago di e cobransa(nan) di SETAR awor den MiSETAR. E opcion nobo aki ta haci posibel pa tur cliente cu tin Aruba Bank Text Banking por paga nan cobransa(nan) di SETAR den MiSETAR. E stapnan ta simpel, facil y liher y cliente por login den MiSETAR y completa e pago unda cu e por ta 24/7.
Pa por haci uzo di pago den MiSETAR e cliente mester tin lo siguiente:
- Un MiSETAR activo
- Un number di celular activo cu ta usa e Aruba Bank Text Banking riba dje (pa ricibi e confirmacion via SMS)
- E cliente mester ta registra pa Aruba Bank Text Banking cu un number di celular
- E cliente mester tin e number di cuenta coriente di Aruba Bank pa completa e registracion.
E prome stap pa usa e servicio e cliente ta cu mester verifica algun informacion den e seccion di ‘My profile’ den MiSETAR. Clientenan tanto di SETAR of otro compania por usa nan celular basta nan tin un profiel activo den MiSETAR y e servicio di Aruba Bank Text Banking.
Unabes cu MiSETAR a verifica e informacion di e cliente, e cliente ta ricibi un confirmacion via un SMS riba su celular y asina por cuminsa paga e cobransa di SETAR facilmente den MiSETAR. Una bes cu tin e dato e cliente por click riba ‘Pay’ den ‘Account overview’ of ‘My billing’. Na momento cu e pago a keda ehecuta exitosamente, e cliente ta ricibi un SMS di Aruba Bank y un email di SETAR cu e confirmacion di e informacion.
SETAR y Aruba Bank ta masha orguyoso di e colaboracion di trabou pa cu e diferente projectonan digital na bienestar di e clientenan di ambos negoshi. E servicio aki ta brinda e cliente tanto di SETAR como di Aruba Bank mas posibilidad online pa por paga e cobransa di SETAR 24/7 sin mester di bin te na un Teleshop pa por haci esaki.
Pa mas informacion encuanto di Text Banking por contact Aruba Bank na 527-7700 y pa mas informacion encuanto MiSETAR acudi na nos FAQ riba setar.aw of por yama 114.
