Durante e temporada dificil aki di Coronavirus ta importante pa nos mantene nos mes na reglanan di Social Distancing y tambe evita aglomeracion. Pa e motibo aki, SETAR ta mantene e lista di maneho adopta anteriormente pa preveni y sigura e bienestar di nos empleadonan y clientenan pa e proximo dos simannan.
Teleshop Seroe Blanco y e TeleKiosk na Airport ta keda sera te cu proximo aviso. Nos teleshopnan na Noord, Irausquin Plein, Santa Cruz y San Nicolas ta habri pa publico di dialuna pa diasabra di 8.00 di mainta pa 3.30 di merdia.
Clientenan cu ta bishita nos Teleshopnan ta wordo pidi pa coopera cu e instruccionnan di Social Distancing y uzo di handsanitizer na entrada. SETAR di su banda ta zorg pa limpieza continuo di e Teleshopnan.
Na mes momento, SETAR ta conseha clientenan pa limita bishita na nos Teleshopnan pa servicio of pago di cuenta, solamente si ta necesario, y haci mas uzo di e diferente opcionnan online cu tin pa paga bo cuenta di SETAR. Clientenan por paga nan cuenta facilmente via MiSetar, Pay.aw via Bill Payment y Transferencia di Banco.
Pa cualkier pregunta of informacion por yama nos Contact Center na 114 of manda un Whatsapp na 597-9999. Sigui nos riba nos pagina di Facebook pa keda al tanto di tur informacion. Hunto nos lo sali padilanti!
